Rakel Davíðsdóttir

Sálfræðingur og ráðgjafi í vinnusálfræði

Rakel veitir ráðgjöf og meðferð fyrir einstaklinga og starfshópa. Algeng viðfangsefni eru áskoranir og erfiðleikar á vinnustað, streita og kulnun, sambands- og samskiptaerfiðleikar, andlegt ofbeldi, kvíði og meðvirkni. Rakel handleiðir starfsmenn og stjórnendur fyrirtækja og stofnana m.a. með því markmiði að finna leiðir við úrlausnir krefjandi mála og auka vellíðan í starfi.

Hún hefur frá 2008 fengist við starfsmannamál á vinnustöðum, gert fjölda úttekta á sviði vinnusálfræði t.d. vegna kvartana um samskiptaerfiðleika, einelti og ofbeldi sem og gert greiningar á andlegum og félagslegum áhættuþáttum vinnustaða. Einnig hefur hún setið í samskiptateymum fyrirtækja þar sem verkefnin hafa snúið að gerð stefnu og mótun verklagsreglna og viðbragðsáætlana til að takast á við samskiptamál og þætti sem tengjast líðan starfsmanna. Rakel heldur erindi fyrir fyrirtæki, stofnanir og félagasamtök þar sem viðfangsefnin eru t.d. að takast á við óvissu og streitu, góður starfsandi, samskipti og líðan, t.d. einelti og kynferðisleg áreitni í starfi.

Rakel býður upp á fjarþjónustu fyrir þá sem það kjósa gegnum öruggan fjarfundabúnað sem heitir Kara Connect.

Menntun

2005: B.A. Sálfræði; Háskóli Íslands
2008: Cand.psych; Háskóli Íslands (svið: Vinnusálfræði og Klínísk sálfræði fullorðinna).
2016: Endurmenntun Opna Háskólans; Háskólinn í Reykavík - Mannauðsstjórnun og leiðtogafærni (löng námslína).
Hefur setið ýmis styttri námskeið og vinnustofur, hérlendis og erlendis á sviði klínískrar sálfræði og vinnusálfræði/Vinnuvernd.

Starfsreynsla

2008-2020: Líf og sál sálfræðistofa
2020-2022: Vinnuvernd
Frá 2020: Kennsla í Bataskóla Íslands
Frá 2020: Betri líðan
Frá 2021: Stundakennsla við Viðskipta- og hagfræðideild Háskólans í Reykjavík -fagið Occupational health psychology.

Réttindi

2009 : Löggiltur sálfræðingur; Landlæknir
2013 : Viðurkenndur sérfræðingur og þjónustuaðili í Vinnuvernd.  

Fagaðild

frá 2009 : Sálfræðingafélag Íslands
frá 2014 : Félag sjálfstætt starfandi sálfræðinga
frá 2023: Mannauður; félag mannauðsfólks á Íslandi